አሰልጣኝ ዘማርያም ወ/ጊዮርጊስን ከቀጠረ በኋላ አቋሙን አሻሽሎ ከመውረድ የተረፈው ድሬዳዋ ከተማ የፋሲል ከነማውን እንየው ካሳሁንና የቅዱስ ጊዮርጊሱን ጋዲሳ መብራቴን ከሰአታት በኋላ እንደሚያስፈርም እየተጠበቀ ነው።
የአሰልጣኙን የዘማርያምን ኮንትራት ያራዘመው ድሬዳዋ ሳይጠበቅ በሌሎች ክለቦች ይፈለጉ ከነበሩት ጋዲሳ መብራቴና እንየው ካሳሁን ጋር ጠንካራ ድርድር አድርጎ የተስማማው ባለፈው አርብ ምሽት መሆኑ ታውቋል።
ድሬዳዋ ከተማን ጠንካራ ተፋላሚ ለማድረግ የሚፈልጓቸውን ተጨዋቾች ከማስፈረም ጎን ለጎን በዚህኛው ሳምንትም የነባሮቹ ተጨዋቾችን ኮንትራት የማደስ ስራ እየሰራ መሆኑ ታውቋል።በቀጣዮቹ ቀናቶች አዳዲስ ፊቶችም በአሰልጣኝ ዘማርያም ስብስብ ውስጥ ይታያሉ ተብሎ ይጠበቃል።