ኢትዮጵያ ቡና በጉዳት እና በዕረፍት ላይ የነበሩ ተጫዋቾቹ ወደ ልምምድ የሚመለሱበትን ቀን ይፋ አድርጓል

የ2016 ዓመተ ምህረት የኢትዮጵያ ፕሪሚየር ሊግ ባሳለፍነው እሁድ ሲጀመር በዕለቱ ሁለተኛ ጨዋታ ኢትዮጵያ ቡና በኤርሚያስ ሹምበዛ ብቸኛ ግብ 1 – 0 ማሸነፉ ይታወሳል ።

በጨዋታው ጉዳት አስተናግዶ ተቀይሮ የወጣው ግብ ጠባቂው በረከት አማረ ጉዳተለ ከበድ ያለ ቢመሰልም በነገው ዕለት ወደ ልምምድ እንደሚመለስ ክለቡ ይፋ አድርጓል ።

በተመሳሳይም በአዲስ አበባ ከተማ ዋንጫ ጉዳት አስተናግዶ የነበረው ተከላካዩ ራምኬል ጀምስ መጠነኛ ልምምድ ማድረግ ጀምሯል ። በተመሳሳይ በጉዳት ከቡድኑ ተለይቶ የነበረው ሬድዋን ናስር ቡድኑን ተቀላቅሎ መጠነኛ ልምምድ ማድረግ ጀምሯል።

በተለያዩ ምክንያቶች ከቡድኑ ጋር ልምምድ ያላደረገው አማካኙ አማኑኤል ዮሐንስ መስከረም 29/2016 ዓ.ም ሙሉ የልምምድ ዝግጅቱን የሚያጠናቅቅ በመሆኑ ቡድኑን ይቀላቀላል ተብሎ ይጠበቃል ።

በተመሳሳይ መሐመድኑር ናስር ከሶስት ሳምንት በኋላ ጥቅምት 14/2016 ዓ.ም እንዲሁም አብዱልሐቪዝ ቶፊቅ መስከረም 27/2016 ዓ.ም በተመሳሳይ የተያዘላቸውን የልምምድ ጊዜ እንዳጠናቀቁ ለውድድሩ ብቁ ሆነው ቡድኑን እንሚቀላቀሉ ተገልጿል ።